მთავარი საიტის რუქა კონტაქტი
რეგისტრაცია

მენიუ

სიახლეების კალენდარი

გამოკითხვა

რა არის მთავარი პროფესიული წარმატებისთვის?



ბანერები

სტატისტიკა

კოლეჯის შესახებ

ვიზაჟის კურსები

სსიპ საზოგადოებრივი კოლეჯი "იბერია" აცხადებს მიღებას ვიზაჟის სპეციალისტის პროფესიული გადამზადების მოკლევადიან პროგრამაზე.

პროგრამაზე დაიშვებიან ზოგადი განათლების საბაზო საფეხურის (9 კლასი) დაძლევის დამადასტურებელი დოკუმენტის მქონე, მათ შორია სსსმ ან შშმ პირები, ასაკისა და სქესის შეუზღუდავად. 

კურსის ხანგრძლივობა: 3 თვე

კურსის განმავლობაში მსმენელები შეისწავლიან:

პროგრამის შინაარსი:

  • პროფესიის სპეციფიკის განმარტება; ქცევის ეთიკის დაცვა.
  • სამუშაო ადგილის სწორად ორგანიზება, სანიტარია და ჰიგიენა.
  • მაკიაჟისათვის აუცილებელი პროდუქტებისა და მეთოდური ინსტრუმენტების მიმოხილვა.
  • სახის ანატომიური აგებულების განსაზღვრა.
  • კანის ტიპის დადგენა და დეფექტების კორექცია.(კამუფლაჟი)
  • სახის საბაზისო დამუშავება და ბაზის დადება.
  • სახის კორექცია სახის ფორმის მიხედვით. ცხვირის კორექცია.
  • ფერები. ფერთა სპექტრის მიხედვით ფერთა შერჩევა და გამოყენება.
  • წარბების კორექცია, ტრიმინგი.
  • წამწამების კორექცია
  • ტუჩის კორექცია-გაფორმება.
  • მაკიაჟის გაკეთება:
  1. დღის მაკიაჟი

        2. საღამოს მაკიაჟი

        3. საქორწინო მაკიაჟის გაკეთება

        4. ნატურალური მაკიაჟის გაკეთება

        5. ასაკობრივი მაკიაჟის გაკეთება

        6. საქმიანი მაკიაჟი

        კურსის დასასრულს მსმენელებს ტესტირების შედეგად გადაეცემათ ორენოვანი სერთიფიკატი.

       ღირებულება: 3 თვე- 600 ლარი (თვეში 200 ლარი)

       ჩაწერა წარმოებს წინასწარი რეგისტრაციის საფუძველზე ყოველ დღე შაბათ-კვირის გარდა, დილის 9:00-18:00 სთ-მდე.

      მისამართი: ქუთაისი, ნიკეას ქუჩა #12

      სსიპ საზოგადოებრივი კოლეჯი "იბერია"

      საკონტაქტო პირი: თამარ მანაგაძე

      ტელ: 577 55 15 87; 598 22 89 93

      ელ. ფოსტა: tamar.managadze51@gmail.com

                       tamar.managadze51@mail.ru

სიახლე სრულად
12 ივლისი 2018

დასაქმების ფორუმი ბათუმში

საინტერესო შეთავაზება დასაქმების მსურველთათვის!

მიმდინარე წლის 13 ივლისს, სსიპ სოციალური მომსახურების სააგენტოს ორგანიზებით, ქალაქ ბათუმში, სასტუმრო WYNDHAM BATUMI-ში (მის: მემედ აბაშიძის ქ. #33),14 საათიდან 17 საათამდე ტარდება დასაქმების ფორუმი, რომლის ერთ-ერთ სამიზნე ჯგუფს წარმოადგენს "სამუშაოს მაძიებელთა პროფესიული მომზადება-გადამზადებისა და კვალიფიკაციის ამაღლების სახელმწიფო პროგრამის" ბენეფიციარები.

დასაქმების მსურველ პირებს საშუალება აქვთ ეწვიონ ფორუმს, სადაც ერთ სივრცეში შეხვდებიან 40-მდე მსხვილი კომპანიის წარმომადგენელს, რაც ხელს შეუწყობს მათ შემდგომ დასაქმებას.

 სსიპ საზოგადოებრივი კოლეჯი "იბერია" გისურვებთ წარმატებას!

სიახლე სრულად
02 ივლისი 2018

ევროპის დღე 2018

2018 წლის 3 ივნისს ევროკავშირის წარმომადგენლობამ საქართველოში ქუთაისის მერიის მხარდაჭერით საზეიმოდ აღნიშნა ევროპის დღე. ქალაქის ცენტრალური პარკი ერთი დღით "ევროსოფლად" გადაიქცა და თითოეულ სტუმარს საშუალება ჰქონდა გაცნობოდნენ ევროკავშირის ისტორიას, თუ რა შესაძლებლობებს ქმნის ევროკავშირი საქართველოს მოქალაქეებისათვის. სსიპ საზოგადოებრივი კოლეჯი "იბერია" აქტიურად იყო ჩართული აღნიშნულ ღონისძიებაში. კოლეჯი სხვადასხვა პროფესიების მიერ შექმნილი ნიმუშების კოლაჟით წარსდგა, რამაც დამსწრე საზოგადოების დიდი ინტერესი გამოიწვია. კოლეჯის აქტიურობა და ჩართულობა მსგავს ღონისძიებებში ხელს უწყობს პროფესიული განათლების აქტუალიზაციასა და პოპულარიზაცის.

ფოტოგალერეა

 

სიახლე სრულად
04 ივნისი 2018

2018 წლის 26 მაისის ღონისძიება

სსიპ საზოგადოებრივი კოლეჯის "იბერია" წარმომადგენლები 2018 წლის 26 მაისს იმყოფებოდა ქ. ფოთში პროფესიული განათლების რეგიონალურ ფესტივალზე და საქართველოს რესპუბლიკის დამოუკიდებლობის დღეს გამოცხადებიდან 100 წლისთავის აღსანიშნავ ღონისძიებაზე პროფესიული განათლების წარმოსაჩენად. ღონისძიებაში მონაწილე კოლეჯის წარმომადგენლებმა დამთვალიერებლების წინაშე წარადგინეს კოლეჯის სტუდენტების მიერ დამზადებული ნაკეთობები და სხვადასხვა ტიპის პროდუქცია, რისშედეგადაც მოგვეცა საკუთარი პროგრამების წარმოჩენის შესაძლებლობა.

 

 ფოტოგალერეა

სიახლე სრულად
28 მაისი 2018

რეიტინგული ჩამონათვალის ცვლილებების შესახებ

ყურადღება, ყურადღება!

სსიპ საზოგადოებრივი კოლეჯის "იბერია" 2018 წლის საგაზაფხულო მიღებაზე სწავლის მსურველთა საყურადღებოდ!

აპლიკანტებს, რომელთაც სურვილი აქვთ ცვლილებები შეიტანონ რეიტინგული პროფესიების ჩამონათვალში, ცვლილებების განხორციელება შეუძლიათ 2018 წლის 8 მაისიდან 10 მაისის ჩათვლით.

 სსიპ საზოგადოებრივი კოლეჯი "იბერია" გისურვებთ წარმატებებს!

სიახლე სრულად
08 მაისი 2018

მთავარი  ::  სტრუქტურა  ::  ჩვენს შესახებ  ::  სამართლებრივი აქტები  ::  სიახლეები  ::  პროგრამები  ::  კონტაქტი  ::  ინკლუზიური განათლება